ابتدى ليل الفرح ياهل المحفل وزان
واستعد بصافي الهيض قافي وابتدى
مرحبا ترحيبة الصدق من قلب ولسان
عند قوم تكرم الضيف وتضد العدى
مرحبا باسم السواهر مناصيب وعيان
كل ترحيبه لها فالقصر صوت وصدى
مرحبا والعشر ياضيف ماترجع ثمان
في حلال عامره ماتجف من الندى
قبلك الترحيب والهيل والحيل السمان
وازرق الكمبود والبن من وادي شدى
ماشرينا قدركم غير غالية الثمان
ماحسبنا للخساره عشى والا غدى
حلة آلاد السواهر ونضمنها ضمان
من قديم الوقت لليوم ماراحت سدى
راية البيضا لربعي على طول الزمان
والمقام اللي حن اهله مجار من الردى
اهل ديره واهل سيره وقلت وجنبخان
واهل صيوان يجمل وقصر ومنتدى
من دول بنيوس نزالة الحد المصان
والمذاهب في ذرانا على طول المدى
ربعنا الغوريه اللي لهم قدر ومكان
وان دعى الداعي تراهم ملبية الندى
مانشى فيهم بخيل ولافيهم جبان
يوم راعي البخل واللاش بابه موصدى
مرحبا وان غاب نجم بدى نجم وبان
وان مضى منا عقيد مضينا لعقدى
جعل ابو عيضه منازله في خضر الجنان
والبقى في راس عيضه وحنا له فدى.
خالد بن فالح الساهري .
